最新网址：www.diquge.com
song—bonie peggy alison
tune—“the braes o' balquhidder.”
chor.—and i'll kiss thee yet, yet,
and i'll kiss thee o'er again:
and i'll kiss thee yet, yet,
my bonie peggy alison.
ilk care and fear, when thou art near
i evermair defy them, o!
young kings upon their hansel throne
are no sae blest as i am, o!
and i'll kiss thee yet, yet, &c.
when in my arms, wi' a' thy charms,
i clasp my countless treasure, o!
i seek nae mair o' heaven to share
than sic a moment's pleasure, o!
and i'll kiss thee yet, yet, &c.
and by thy een sae bonie blue,
i swear i'm thine for ever, o!
and on thy lips i seal my vow,
and break it shall i never, o!
and i'll kiss thee yet, yet, &c.